UPENDO HUTAMBUA NA KUHESHIMU WENGINE

Huku kwetu leo tuna neema ya mvua mvua kidogo, lkn nilipokuwa nikitafakari maneno ya Mungu asubuhi hii ktk kitabu Cha Rumi 12:9-10. Nikaona kitu muhimu cha kukushirikisha nacho ni :-
(UPENDO HUTAMBUA NA KUHESHIMU WENGINE)

"Pendo na lisiwe na unafiki lichukieni lililo ovu, mkiambatana na lililo jema. Kwa pendo la udugu, mpendane ninyi kwa ninyi; kwa heshima mkiwatanguliza wenzenu;"
Warumi 12:9-10

Kuna msemo huu nisiokumbuka ni wa nani "Before you preach the word know the world" yaani kabla ya kuhubiri neno ujue/utambue/ufahamu ulimwengu,
Na hii ni tabia ya upendo kutambua na kuheshimu wengine,

Hujaumbwa peke yako na wala wewe na mimi sio kisiwa bali tupo pamoja na watu mbalimbali wanaokubaliana na wasiokubaliana na tunachoamini. Wenye tabia tofauti na sisi, mitazamo tofauti iwe sahihi au isiwe sahihi,

Kuna wakati wanafunzi wa Yesu walikutana na watu wengine (wanafunzi) wakihubiri injili wanayohubiri na wakawakataza, Moja hawakuwatambua lakini mbili hawakuheshimu pamoja kwamba walihubiri injili ile ile (MARKO 9:38-39)

Changamoto kubwa katika kutambua ni kwamba cha kwanza yapaswa kujitambua wewe ni nani ndipo itakuwa rahisi kutambua wengine na kuwaheshimu.

Ni kweli una kipaji kimestawi sana lakini bado inabidi utambue na kuheshimu vipaji vya wengine na hiyo ni tabia ya upendo.

Ni rahisi sana mtu kumtendea wema mtu kwasababu hajui historia yake au tabia yake. Lakini akigundua kuwa anahistoria mbaya au tabia mbovu anaweza jilaumu Kwanini alimsaidia au kumtendea wema.

Upendo unatambua na kuheshimu na unatenda wema sio kwasababu unayemtendea wema ni mtenda mema au mtenda mabaya bali kwasababu ni mtu.
Kutotambua wengine kunaweza kukufanya ujihesabie haki.

Kutotambua uwepo wa wengine kwenye maisha yako kunaweza kukufanya uanze kujisikia na kujivuna.

Kutotambua kwamba unaishi kwa ajili ya wengine itakufanya usiweze kuonyesha upendo ule unaopaswa kuwapa hao wengine. Na kutotambua kunaweza sababisha usiheshimu wengine pia. Kuheshimu wengine haina maana kwamba unakubaliana na kila kitu kwao.

Kuheshimu wengine haina maana kufanya vile wanafanya wengine. Ila ni kutambua na kujua wao nao ni watu na wanahitaji upendo na kusikilizwa pia na wanamchango katika maisha yetu iwe moja kwa moja au laa.

Mungu hakutupenda kwasababu hakutambua kwamba tu wenye dhambi. Pamoja na kwamba alitambua tu wenye dhambi bado alitupenda hivyo hivyo. Na akaja kutuokoa ila cha ajabu na kushangaza hamlazimishi mtu bali anaheshimu maamuzi ya kila mtu bali ameshatuonyesha matokeo ya maamuzi yetu, Hii ni kwasababu upendo unatambua na kuheshimu Wengine.

Wako shambani mwa BWANA
Mt Daudi Makubi Singida Maduka saba Church
WhatsApp:-+255756717689
Email:-makubimsafiri@gmail.com
MUNGU AKUBARIKI.

Comments

  1. Mt Daudi Makubi24 February 2019 at 09:30

    Mungu hakutupenda kwasababu hakutambua kwamba tu wenye dhambi. Pamoja na kwamba alitambua tu wenye dhambi bado alitupenda hivyo hivyo. Na akaja kutuokoa ila cha ajabu na kushangaza hamlazimishi mtu bali anaheshimu maamuzi ya kila mtu bali ameshatuonyesha matokeo ya maamuzi yetu, Hii ni kwasababu upendo unatambua na kuheshimu Wengine.

    ReplyDelete
  2. Unknown25 February 2019 at 02:50

    Kweli upendo ni nguzo kuu ktk Maisha ya wanadamu wote lkn tunajisahau Na kukaa mbali kana kwamba hatujui asili yetu, as tunatokana Na Mungu Na Mungu ni pendo asante sana hkk nabarikiwa mtumishi Na mafundisho haya.

    ReplyDelete
  3. Mt Daudi Makubi25 February 2019 at 07:37

    Amina Amina Utukufu una yeye Bwana YESU milele yote.

    ReplyDelete

Post a Comment

Popular posts from this blog

NINI MAANA YA NAFSI, ROHO, MOYO NA MWILI.?

Image
NINI MAANA YA NAFSI, ROHO, MOYO NA MWILI.?  1. ROHO Neno  “ roho ” asili yake ni  katika lugha ya Kiyunani likiitwa “ Pneuma” ambalo maana yake kwa kiswahili ni  “ pumzi” .  Pumzi ya namna hii ni pumzi iletayo uzima yaani mtu anakuwa hai. Bila roho hakuna mtu anaweza kuwa hai 2. NAFSI  Neno “ nafsi ”  ni sehemu ya mwanadamu inayohifadhi  akili na hisia. Hivyo kusema nafsi ya mwanadamu ni sawa na kusema akili,ufahamu na hisia zinakokaa. 3. MOYO Moyo ni sehemu ya kiroho ya mwanadamu  ambako hisia za mwanadamu  na matamanio ya mwanadamu hukaa. 4.MWILI Mwili ni gamba la nje linaloibeba roho Kwa lugha nyingine mwili ni nyumba ya kuishi roho. N.b Katika baadhi ya maandiko kwenye Biblia yanazungumza moyo yakiwa na maana ya nafsi na pengine yanazungumza nafsi yakiwa na maana pia ya moyo wa Mtu. Kwa sababu nafsi na moyo ni kama kitu kimoja. MUNGU akubariki. Mt Daudi Makubi Mtenda Kazi katika Shamba la Bwana YESU KRISTO ...
Read more

USHUHUDA WA ALIEKUWA WAKALA WA SHETANI

Image
USHUHUDA WA ALIYEKUWA WAKALA WA SHETANI. (Umetafsiriwa) Wapendwa rafiki zangu, napenda kuwashirikisha ushuhuda huu wa binti kutoka South Africa alyekuwa wakala wa shetani, alkuwa mtumishi wa shetani kwa miaka kumi na miwili na alpandishwa cheo akiwa huko. Nawasalimu kwa jina la Yesu Kristo, jina langu ni NONKOLISO NGELEKA kutoka Nzimakwe, nmefanya kazi mahali pale kwa miaka 12, nimezalia mwaka 1988, Nilifanya kazi mahali pale tangia nikiwa bint mdogo kadiri muda unavyoenda nikazidi kupanda daraja, kuna madaraja tofauti, kuna waabudu shetani makanisani bila kujua kama wanamwakilisha shetani, na wapo waabudu shetani ambao wanaweza kujitenganisha na miili yao yakawaida na kuwa kwenye ulimwengu wa roho (kama wachawi wanavyofanya), mimi nilkuwa kwenye kundi la pili la wanaojitenganisha n miili yao. Nilianza kuwa napata ndoto nikilala naota napigana kama ilivyo kwenye michezo ya kuigiza kwenye televisheni wakiigiza wanapigana maeneo ya mjini halafu kama wanapaa juu, baada ya sik...
Read more

BWANA YU PAMOJA NAWE EE SHUJAA

Image
BWANA YU PAMOJA NAWE EE SHUJAA Waamuzi 6:12-16 12-Malaika wa BWANA akamtokea, akamwambia, BWANA yu pamoja nawe, Ee shujaa. 13-Gideoni akamwambia, Ee Bwana wangu, ikiwa BWANA yu pamoja nasi, mbona mambo haya yote yametupata? yako wapi matendo yake ya ajabu, waliyotuhadithia baba zetu, wakisema, Je! Siye BWANA, aliyetuleta huku kutoka Misri? Ila sasa ametutupa, naye ametutia katika mikono ya Midiani. 14-BWANA akamtazama, akasema, Enenda kwa uwezo wako huu, ukawaokoe Israeli na mkono wa Midiani. Je! Si mimi ninayekutuma? 15-Akamwambia, Ee Bwana, nitawaokoa Israeli kwa jinsi gani? Tazama, jamaa zangu ndio walio maskini sana katika Manase, na mimi ndimi niliye mdogo katika nyumba ya baba yangu. 16-BWANA akamwambia, Hakika nitakuwa pamoja nawe, nawe utawapiga Wamidiani kama mtu mmoja. Bwana Yesu asifiwe mwana wa Mungu, ninatamani sana uyajue mapenzi ya Mungu na Kusudi kuu la wewe kuwapo hapa duniani maana haupo duniani kwa bahati mbaya. Huwa namfurahia Mungu sana na nguvu zake n...
Read more