KIZAZI CHA WAKRISTO VIJANA


KIZAZI CHA WAKRISTO VIJANA:

1.Daima tuko sawa na hatukubali kabisa kuonywa, kukemewa na kukaripiwa. Atuonyaye, kutukemea na kutukaripia anasomeka kama adui wa kumwepuka kwa gharama zote tena akizidi kutufuata fuata tunamwambia achana na maisha yangu, hayo ni yangu hayakuhusu wewe.

2. Tunapenda kuimba kanisani lakini hatusomi bibilia zetu nyumbani wala kuomba.

3. Tumejaa tamaa, hamu ya kufanya ngono na hisia ambazo sisi tunaziita upendo au mapenzi.

4. Tunataka tuwe na ndoa bora, lakini tunapokuwa tumefika umri wa miaka 25 tunakuwa tulishakuwa ndani ya mahusiano ya kimapenzi kwa miaka kumi tayari. Wakati mwingine tumeshakuwa na wapenzi wa kike na wa kiume hata kuliko wazazi wetu.

5. Ngono na matendo machafu ya kingono sasa ni sehemu ya mahusiano yetu na tunaiita Mahaba/Mapenzi.

6. Tunataka kuwa matajiri maishani, wakati huo huo tunatumia fedha zetu zote kununua simu za kisasa kama iphone, samsung galaxy, htc, Blackberry, vifaa vya mawasiliano vingine kama ipad, tablets, laptops na camera za kisasa ambazo tunashindwa hata kutumia zaidi ya asilimia sabini ya vitu vilivyomo.

7. Hatulipi zaka zetu wala kutoa sadaka tukisingizia sisi ni wanafunzi.

8. Tunajiita wanawake wa kikristo lakini tunavaa kama waigizaji wa sinema, nusu uchi kama sio uchi kabisa alafu tunasema ndo mitindo ya mavazi ya kisasa bila kujali kama ushuhuda wetu na ukristo wetu unaathiriwaje.

9. Tunapenda anasa kuliko kumpenda Mungu.

10. Kanisani utatuona tukiwa tumeinua mikono huku twaimba nyimbo za taratibu kama tunaabudu vile lakini kwenye simu zetu mifukoni mwetu kuna picha za wanawake waliyo nusu uchi na wengine uchi kabisa, nyimbo za muziki wa kizazi kipya, maisha ya kujirusha na kutumia na tuna namna nzuri ya kulielezea hilo na kulifaulisha.

11. Tunaishi maisha ya huku na huku na mtu asikuulize utasikia achana na kufuatilia maisha yangu.

12. Tukienda kanisani wala neno halituhukumu tena kwa habari ya maisha tunayoyaishi maana mioyo imefanywa migumu na udanganyifu wa dhambi na tuna kiburi kuliko Lewiathani.

Mungu aliyaona haya akatuonya kwenye:

II Tim. 3: 1 - 6.

1 Lakini ufahamu neno hili, ya kuwa siku za mwisho kutakuwako nyakati za hatari. 2Maana watu watakuwa wenye kujipenda wenyewe, wenye kupenda fedha, wenye kujisifu, wenye kiburi, wenye kutukana, wasiotii wazazi wao, wasio na shukrani, wasio safi, 3wasiowapenda wa kwao, wasiotaka kufanya suluhu, wasingiziaji, wasiojizuia, wakali, wasiopenda mema, 4wasaliti, wakaidi, wenye kujivuna, wapendao anasa kuliko kumpenda Mungu; 5wenye mfano wa utauwa, lakini wakikana nguvu zake; hao nao ujiepushe nao. 6Kwa maana katika hao wamo wale wajiingizao katika nyumba za watu, na kuchukua mateka wanawake wajinga wenye mizigo ya dhambi, waliochukuliwa na tamaa za namna nyingi;

Kijana hizi ni nyakati za hatari kuliko ambavyo upo tayari kukubali.
BADILIKA !
TUBU !
AMA SIVYO HUKUMU YA MUNGU NI FUNGU LAKO !!!
 HUTAKWEPA.√

Comments

Post a Comment

Popular posts from this blog

NINI MAANA YA NAFSI, ROHO, MOYO NA MWILI.?

Image
NINI MAANA YA NAFSI, ROHO, MOYO NA MWILI.?  1. ROHO Neno  “ roho ” asili yake ni  katika lugha ya Kiyunani likiitwa “ Pneuma” ambalo maana yake kwa kiswahili ni  “ pumzi” .  Pumzi ya namna hii ni pumzi iletayo uzima yaani mtu anakuwa hai. Bila roho hakuna mtu anaweza kuwa hai 2. NAFSI  Neno “ nafsi ”  ni sehemu ya mwanadamu inayohifadhi  akili na hisia. Hivyo kusema nafsi ya mwanadamu ni sawa na kusema akili,ufahamu na hisia zinakokaa. 3. MOYO Moyo ni sehemu ya kiroho ya mwanadamu  ambako hisia za mwanadamu  na matamanio ya mwanadamu hukaa. 4.MWILI Mwili ni gamba la nje linaloibeba roho Kwa lugha nyingine mwili ni nyumba ya kuishi roho. N.b Katika baadhi ya maandiko kwenye Biblia yanazungumza moyo yakiwa na maana ya nafsi na pengine yanazungumza nafsi yakiwa na maana pia ya moyo wa Mtu. Kwa sababu nafsi na moyo ni kama kitu kimoja. MUNGU akubariki. Mt Daudi Makubi Mtenda Kazi katika Shamba la Bwana YESU KRISTO ...
Read more

USHUHUDA WA ALIEKUWA WAKALA WA SHETANI

Image
USHUHUDA WA ALIYEKUWA WAKALA WA SHETANI. (Umetafsiriwa) Wapendwa rafiki zangu, napenda kuwashirikisha ushuhuda huu wa binti kutoka South Africa alyekuwa wakala wa shetani, alkuwa mtumishi wa shetani kwa miaka kumi na miwili na alpandishwa cheo akiwa huko. Nawasalimu kwa jina la Yesu Kristo, jina langu ni NONKOLISO NGELEKA kutoka Nzimakwe, nmefanya kazi mahali pale kwa miaka 12, nimezalia mwaka 1988, Nilifanya kazi mahali pale tangia nikiwa bint mdogo kadiri muda unavyoenda nikazidi kupanda daraja, kuna madaraja tofauti, kuna waabudu shetani makanisani bila kujua kama wanamwakilisha shetani, na wapo waabudu shetani ambao wanaweza kujitenganisha na miili yao yakawaida na kuwa kwenye ulimwengu wa roho (kama wachawi wanavyofanya), mimi nilkuwa kwenye kundi la pili la wanaojitenganisha n miili yao. Nilianza kuwa napata ndoto nikilala naota napigana kama ilivyo kwenye michezo ya kuigiza kwenye televisheni wakiigiza wanapigana maeneo ya mjini halafu kama wanapaa juu, baada ya sik...
Read more

BWANA YU PAMOJA NAWE EE SHUJAA

Image
BWANA YU PAMOJA NAWE EE SHUJAA Waamuzi 6:12-16 12-Malaika wa BWANA akamtokea, akamwambia, BWANA yu pamoja nawe, Ee shujaa. 13-Gideoni akamwambia, Ee Bwana wangu, ikiwa BWANA yu pamoja nasi, mbona mambo haya yote yametupata? yako wapi matendo yake ya ajabu, waliyotuhadithia baba zetu, wakisema, Je! Siye BWANA, aliyetuleta huku kutoka Misri? Ila sasa ametutupa, naye ametutia katika mikono ya Midiani. 14-BWANA akamtazama, akasema, Enenda kwa uwezo wako huu, ukawaokoe Israeli na mkono wa Midiani. Je! Si mimi ninayekutuma? 15-Akamwambia, Ee Bwana, nitawaokoa Israeli kwa jinsi gani? Tazama, jamaa zangu ndio walio maskini sana katika Manase, na mimi ndimi niliye mdogo katika nyumba ya baba yangu. 16-BWANA akamwambia, Hakika nitakuwa pamoja nawe, nawe utawapiga Wamidiani kama mtu mmoja. Bwana Yesu asifiwe mwana wa Mungu, ninatamani sana uyajue mapenzi ya Mungu na Kusudi kuu la wewe kuwapo hapa duniani maana haupo duniani kwa bahati mbaya. Huwa namfurahia Mungu sana na nguvu zake n...
Read more